කවුරු කොහොම කිව්වත් අපි හැමෝම දේශපාලන සත්වයෝ, දේශපාලනයෙන් යැපෙන සත්වයෝ. ඇරිස්ටෝටලුත් එක අවස්ථාවක කියනවා මිනිස්සු වෙච්ච අපි හැමෝම දේශපාලනික සත්ත්වයෝ කියලා.
ආර්ථිකය, නීතී පද්ධතිය, සමාජ වටපිටාව, අධ්‍යාපන ක්‍රමය විතරක් නෙමෙයි, ගෙදර ඉදෙන බත් ඇටේටත් දේශපාලනය ඍජුවම බලපානවා.මේස් එක අනිත් පැත්ත පෙරළෙනවා වගේ දියවන්නාව සම්පුර්ණයෙන් හෝදලා දාලා උගත්,බුද්ධිමත් ,අත්දැකීම් සහිත පරිචය පිරිසක්‌ මේ මොහොතේවත් ඕක ඇතුලට නොගියොත්, දශකයකට අඩු කාලෙකදී තවත් සුඩානයක් බිහිවීම IMF එකට තියා සක්‍රයටවත් නවත්තන්න බෑ. හැමදාම වගේ එකම රොටිය දෙපැත්ත පෙරලුනොත් රට යන තැන තියා.. රට තියෙන තැනක්වත් හොයා ගන්න බැරි වෙනවා. හැමදේම වෙනස් විය යුතු උනාට, ඒ වෙනස වෙනුවෙන් ප්‍රධාන ක්ෂේත්‍ර කිහිපයක උඩු යටිකුරු කිරීමක් උනත් ප්‍රමාණවත්, උදාහරණයක් විදිහට අධ්‍යාපන ක්‍රමය වෙනස් කරලා, නීතී පද්ධතිය තද කලානම් හොරු දේශපාලනයට එන්නේ නැහැ, හොරකම් වෙන්නෙ නැහැ.දේශපාලනය කියන්නෙ තවත් එක රස්සාවක් විතරක් කරලා, සුදුසුකම් සපුරපු පිරිස ඒකට යොදවල හොඳට පඩි ගෙවලා, වැඩ බාරදීලා වැඩේ කරන්න බැරි අයව දොට්ට දාන තත්වයක් තමයි දැන් ඕනෙ,රටට ආදරේ මිනිස්සු, කියලා ලොවෙත් නැති ජාතියක් හොය හොය ගිහිල්ලා ‘රට පාලනය කරලා දෙන්නකෝ..’ කියලා එයාලට කිරුළු දම්මලා, දැන් ලෝකෙ ඉස්සරහ හිඟා කන ජාතියක් උනාට, පස්සෙවත් හැමෝම එකා වගේ විකාශනයක් වෙනුවෙන් එකතු නොවුනොත් ,ලංකාව තිබ්බ තැනක් වත් හොයාගන්න බැරි වෙන දවස වැඩි ඈතක නෙමෙයි. ආර්ථිකය හසුරවන්න දන්න, මොළේ කලඳක් හරි එක්ක,හෘද සාක්ෂියෙන් බාගයක් හරි තිබ්බ පාලකයෝ දෙතුන් දෙනෙක් හරියට හිටියනම් දල ජාතික නිෂ්පාදනයවත් , ආර්ථිකය සංක්‍යාතවත්,යුක්රේන් යුද්දෙවත්, ගෝලීය වසංගතේවත් රටක් විදිහට ලෝකෙ ඉස්සරහ හිඟමනේ යන්න තරම් එච්චර ප්‍රශ්න නෙමෙයි.මේ හැමදේටම ලොකුම ප්‍රශ්නෙ ලැජ්ජ නහර කපාගෙන දේශාපාලනය කරන දේශපාලුවෝ.ඉගනගන්න, ලෝකෙ දිනන්න, රට සවාරියන්න, අළුත් දේවල් හොයාගන්න හීන දැකපු ජාතියක බහුතරයක් අද,බත් පිඟානක්,ගෑස් සිලින්ඩරයක්, පාන් බාගයක්, ,ඩිසල් ලීටරයක් වෙනුවෙන් හීන දකින තත්වෙට පත් කරපු ,ක්‍රියාවලියේ ආනිසoස, එදා ඊයෙ අද මේ තුන් කාලයේ දියවන්නාවට පය ගහපු හැමෝටම එක එක ප්‍රමාණයන්ගෙන් අනුමෝදන් වෙන්න ඕනෙ. රටේ ඇත්තම තත්වේ හොඳටම පේන්නේ ඒක ඇතුලේ ඉන්න අයට නෙමෙයි, පිට ඉන්න අපිට. අන්න ඒ නිසයි මේ දවස් වල මෙච්චර අපි විඳවන්නේ….
“අපිට දේශපාලනයක් නැහැ.කවුරු දිනුවත් එකයි, අපි හම්බ කලොත් අපි කනවා,” කියලා තහඩු දෙකකට, අරක්කු බෝතලේට, බත් පැකට් එකට,රට බාරදෙන එක ලෝක අපරාධයක් කියන්නෙ මෙන්න මේ නිසයි.
✍ උපේක්ෂා ලියනගේ
0 Comments